Məşhur rejissor, SSRİ və Rusiyanın xalq artisti Georgi Daneliya vəfat edib.

Buta.media “Novaya qazetaya” istinadən xəbər verir ki, bunu rejissorun ailəsi bildirib.

O, 88 yaşında Rusiya paytaxtı Moskvada dünyasını dəyişib.

Qeyd edək ki, G.Daneliya 1930-cu il avqustun 25-də Tbilisidə anadan olub. Bir il sonra ailəsi Moskvaya köçüb. 1955-ci ildə Moskva Arxitektura İnstitutunu, 1959-cu ildə ali rejissorluq kursunu bitirib.

G.Daneliya məşhur “Mimino”, “Afonya”, “Uğur centlmenləri” kimi filmlərin rejissoru olub.