Məşhur rus müğənnisi MakSim hava limanı yolunda avtomobil qəzasına düşüb.

Müğənni klip çəkilişləri üçün Moskvaya səfər etmək istəyirmiş. Bu barədə MakSimin meneceri Marqarita Sokolova İnstaqram səhifəsində məlumat verib.

“Sizə bu xəbəri vermək və fotoları paylaşmaq istədim ki, yaxın gələcəkdə dedi-qodular yayılmasın. Bundan başqa MakSimin planlaşdırılmış tədbir və konsertlərdə iştirak edə bilməməsi anlaşılsın”, - deyə menecer bildirib.

Onun sözlərinə əsasən, müğənninin vəziyyəti artıq stabildir və həkimlərin nəzarəti altındadır. Amma onun sağalması uzun vaxt aparacaq. MakSim ən azı 20 may tarixinə qədər müalicə olunacaq.